Anbwinnū

E to ao kajeon jab lemnak kon jekjek in. Ikonan karolok e men in im ekar baj debij io ilo lemnak ko ao kinke kalbuuj eo ilo an juon lemnak elap lak an nana jen lukun jikin kalbuuj ko ijoko otemjej.

E to ao janin jeje. Elap oktak ilo mour e ao ilowan week ko remootlak. Naij enjake jidik in io emoj an jako im ijamin bar loe. Ikar kajeon aolepen coping skill koim ikar katak kake ilo therapy im jar kon jet men bwe ren maron bar rool nan jinoin. Ilo ao kakememej io aolep raan bwe enij emman lak akko mool eo ej; juon men eo ettino ej debij io einwot juon rikalbuuj ilo lemnak e ao. Elon jet ainikien ko, men ko, jikin ko, im bwin ko; rej komman menin ao lukun illu im inebata. Therapist eo ao ekar kwalok ke enjake kein rej trigger ko; ilo psychology, trigger ko rej jet men ko einwot juon stimulus einwot kain an bwin, ainikien, akko ilo am loe juon men eo im enij kakememej eok kon joraan eo ekar walok nan eok.

Ilo ao kemram lak aolepen men kein, emoj ao kalet bwe in karolok io make. Ejjab emman ippa kwalok kon men in nan jabdewot ak bwebwenato in ao ejjab kwalok won na; naij kwalok kon bwebwenato in ao. Im naij kalet KAJOOR. Ikonan bwe in control i men ko im renij kwalok kon men ij ememej aer kar walok jemaan, ilo an bokliklak io nan ien eo ekar walok joraan eo nan io.

Ekar walok ilo kar September 23, 2019, im ej juon kar raan eo im ellukun emman ilo kar ien fall eo. Jar ko motta rekar kareel io nan ital nan juon football game. Elikin game eo, kom ekar kalet in ital nan juon party ilo juon night club. Aet, ital nan club eo ejjab kar mottan plan ko. Akko ikar konan wonman lak im limo ippen jarko motta im ej wunin ao kar kalet in ital. Once we got thereKe kom ej tobar lak ijo ellukun kar lap an obrakj. Komim ej bulon, mwon out eo ekar host e juon birthday party nan juon professional athlete. Kio ta eo ekar walok tok elik ikar jab lemnak enkar walok nan na ilo mour e ao! Ke komim ej ital jen bar eo ak kem ej etton im tuuj juon emaan ekar itok nan ijo komim ej bed ie jutak liku.

“Iakwe Likatu, ijanin kar loe eok”. Ikar kemeidik lak akko ikar jab uak e. Jar ko motta rekair im mokaj tok im uak im ba, “Etan in Tyra, ejokok”. Leo e jino an etton ipper ilo an ba “kwojjab aikuj in jook bwe ij wot konan jela kajem”. Ij kab tin kobellok loniu im ba, “Ej emman wot. Naij bed ijin ippen jar ka motta, ejelok ien ao konaan ippen an lap ainikien kojanjan ka” im kaju ital jen ijo.

Enwot ellukun to im to jar ko motta rej kab tobar tok na. Rejinoe aer ba nan na, “Tyra, kwojela ke won eo ej kab moj am turn down i”. “Ejjab. Won?” Ij kajjitok. Iban kwalok jabdewot et kon wot jet wun ko, ak jar ko motta rekar wonmaan lak im ba tok etan im ke ej juon professional athlete. Rekar borainwot wonmaan lak im ba nan na ke ej juon eligible bachelor (ejelok ippen) ilo state eo. Ijjab jela tok nan rainin ne ekar menin an bun buruo ak ij mijak ilo ao ba, “Naij jab jera rikkure”.

Aolepen bonnin eo an baj jar ko motta konan bwe komro leo en lelak nomba in talboon ko amro nan droon im ij aikuj lelak an juon ien. E to ao lemnak kake innem etton kon lemnak eo. Ke ej itok nan jemlok in bonnin eo ij ba wot enij kar eliktata in aer baj konaan kake. Ekwe, ikar bwod. Elikin jet raan jen ien birthday party eo ilo mwon out eo, ej itok juon message ilo social media jen leo ilo bar eo.

Ilo jinoin, ikar bulon. Akko bar juon wawein, e biroro an juon laddrik loe juon armej ilo social media elikin aer meet i droon. Ikar kaju ital nan group message eo, ippen jar ko motta, im kojela ki er ke ekar itok nan DM eo ao. Juon ian jar ko motta ekar kair im ba, “Ikar ba lak nan e etam ilo Instagram.” “KWOJAM?”, Ij ba. 

Lio motta ej ba, “Ekwe ke ne enkar lukun konan kwe enkar bikot kilen an tobar eok.” Elikin message eo ekar jinoe wor ao konan jela ta eo e konan ippa. Elikin awa in ao etal e im lemnak kake, ikar uak. Wiik in amro baj flirt ippen droon im bwebwenato ilo amro message e droon. Ilowan wiik ko ekar jilinintok ao wut im mweik ko im elap an lap woner. Mekarta ekar lon men ko remman ippen, ilo mool, ikar kejekdroon red flag ko.

Kamokaj lak nan February 14th, 2020. Komro ekar kio maron karok juon ien nan komro im e jejjot nan schedule ko amro. Komro ekar ion droon ilikin town, im ekar ronjake aolepen konan ko ao einwot an likit io ilo juon ao make hotel room. Ekar plan e juon raan likio nan komro jimor. Jibonin eo ekar jinoe kon juon box kilmej eo im ewor juon bow buroro ion im ekar deliver tok nan room eo ao. Ilowan box eo ej juon note im juon nuknuk kilmej eo im ellukun kobalbal. Ikar jutak im baj bulon, innem juon eo ekar itok im kolallal ilo kojem eo. Kio ekar itok 24 rose buroro, juon box in juj, im juon shopping bag ippen buroro tissue paper rej walok jen lowan bag eo. Ikar kobellok bag eo im note eo ej riid im ba, “Aolepen rainin ej kon kwe, nuknuk ne im juj ne rej nan bonnin, outfit ne ej nan kio. Ion e ilo lon juon awa jen kio”.

Ejelok juon, ilo aolepen mour e ao, emoj aer komman menin ao enjake ke illukun special. Ikar jinoe kojan aal eo emman tata ippan im jinoe ao kabojak. Illukun kar monono itulowa ejelok naan nan an kamelele ki jonan monono eo ij enjake, jekdroon ne inkar kajeon kamelele ki. Aet, einwot an kar kallimur, raan eo ekar kon wot na im ekar komman menin ao kemeidrik aolepen raan eo, itulowa im itulik. Elikin awa in amro ippen droon komro ekar rool nan hotel eo, im ekar ba tok, “Kio ital im nap, kab ion e na i lal ilo 8 PM. Konak e nuknuk eo ikar wiaiki”. Ikar kemeidrik im ba, “Loe eok 8 awa”.

Ikar anek makitkit ko ikar komman i ke ij ruj tok jen nap eo ao: ikar kojan aal eo emman tata ippa im jino ao kabojak, ak kio ikar kobellok juon bato in champagne. Ij kememej tok ao kar video chat ippen lio motta mokta jen amro kar leo ion droon ilo 8 PM im lio motta ekar kaju ba “Ikar ba tok ke komro ekar nan droon! Ijjanin kar loe am kemeidrik jonan e kon juon laddrik.” Ikar etton im ba lak, “Ijela, ke.” Komro elakar etton im komman kojak etal im ebaak an 8 PM. Ikar ital nan lal im ej bed lal kon bar 24 rose! Ijjab baj riab ke imaron et bwin leo jen elevator eo. Bonnin eo ellukun kar emman einwot ke ej raan. Ke komro ekar mona in jota komro ekar draak jet dren, ilo amro rool lak nan room eo ekar kajjitok ippa ne emman ippa ne ital nan room eo an im bed juon awa ie mokta jen amro rool im kiki ilo room ko amro make.

Ikar konan ba jaab, akko ijjab konan bwe en lemnak ke ejjab kwon ao bed ippen. Komro ekar baj konaan ippen droon iumwin elon allon ko, im ejjab menin wot akko ilakar baj lemnak e tok aolepen men emman ko woj ekar wia tok ao im an emman an komman nan io! “Imaron iwoj im bed juon wot awa akko ede ne wot,” ej naan ko ikar ba im inkar jab ba.

Ke komro ej tobar lak room eo aolep men im jinoe an nana. Einwot ke ijanin kar jela kajen mokta lak. Elakar baj kanok io im kajeon tin mejenma ki io. Ekar jinoe an force e io im ba ij aikuj komman i menko rejjab ekar nan e. Illakar baj ba naijjab bojak in komman i menko. Ekar kajitokin io etke im bojrak an jibwe io iumwin jet minit. Innem ekar bar jinoe an jibwe aolepa, akko kio ekar debij lal lak na ilo an debij peiu. Ikar jab maron makitkit nan jidik, ak elakar baj umma ki kenwao im meja. Ilakar kajjitok ippen bwe en bojrak ak elakar baj komman e wot. Elakar kakememej e io kon an elon kora nej kar konan bed ilo ien eo ij bed ie. Elakar baj ba im kakememej io kon aolepen men emman ko ekar wia tok ao. Ikar bojrak ao konaan im babu wot ijo. Ij enjake ke jekdron jete katon ao kajjitok ippen im ba en bojrak eban kar bojrak. Ikar jab konan komman menin an illu im ikar kiil lak meja im einwot ke emej enbwinu. Ikar kajeon kainemon kolmenlok ijon eo ao ke ejjab bed ieo ak ilowao. Ij kememej an kar marok tok maan meja im ao ruj tok likwon lak bonnin eo im ej kiki turu einwot ke ejelok men eo ekar walok.

Ikar ekairir im diwoj, ikar bok nuknuk kilmej eo, nuknuk eo ikar konak e bonnin eo nan mona in jota eo, jen lal. Ikar bar rool nan room eo ao im kajeon botak e nuknuk eo jen enbwinu. I drike kio nuknuk kilmej eo ikar ba wot ke ellukun kar jejjot. Ikar drelon ilowan jikin tutu eo im jino tutu. Ikar lukun iri io bwe ij enjake ao etoon im i jo ki io make. Ikar jook im elaptata, ikar enjake ao jab melele kon ta eo ekar walok.

Ikar jab konan ba nan jabdewot kon ta eo ekar walok nan na. Ikar akwelap nan e bwe en bojrak ak ikar bar babu wot ijo im jab kabojrak e. Ejam kar komman endrein tok nan na? Elmen an kar maron kaju mokaj an nana tok nan na? Ta eo e bwod ikar komman e? Elmen ao ba nan lio motta “Ijela ke ikar kemedrik bon, ak rainin illukun mijak… ta eo imaron komman e?” Ikar emej elon awa im jan ak ij kalimjok io ilo kilaaj eo.

Ke jibonin eo ekar oktak jen kar jinoin. Ekar jilinintok elon mweik nan room eo ao einwot ke ejelok men eo ekar walok bonnin eo. Ikar lukun bojak in rool nan mwemo akko baluun eo ao ej ital in 2 PM. Ikar wonmaan lak im jijot im jab e keroro ippen ilo an lakar baj jolok an bwod tok nan na. Ej ba tok nan na ke ej ba wot ikar konan kinke ikar jab aolep kain im kajeon kabojrak e. Ikar konan elamojmoj, “ IKAR JAB MARON JERKAK!” Ak ijelakin, ikar kajibolul i bora im ba “ej emman wot.”

Ejjab kar emman, ekar bok maron eo jen enbwinu. Ijela ke ekar ron ao lakar elij i im kajjitok ippen im ba en bojrak. Ijela ke ej loe ke ej bed lonu an toor drenin kemjalal lal lak jen meja. Etke ikar jab maron kadiwoj i naan ko mokta jen ao kar ital nan lowaan baluun eo? Ikar jab lukun melele kon ta eo ekar walok. Ikar kajitokin io make, bolen ikar komman menin an kar komman e kol eo nan na … ejjab ejjab EJJAB IJELA KE EKAR RON AO BA, “ JAAB, BOJRAK”.

Baluun eo ekar kaju kelak, ak ij tomak anu ej bed wot ilo room in hotel eo. Jar ko motta relakar baj kajjitok ippa ejet kar weekend eo ao. Ikar karok e mokta lak bwe er eo renij itok im bok io bwe in ba lak er kon koban weekend eo, innem ikar reinamoj lak ilo window eo jen jinoin nan jemlok in ao bed ion baluun eo ilo ao e katak ta eo inij ba lak nan jar ko motta.

Einwot ao kar karok e jar ko motta rej kottar e io im kottar e juon bwebwenato eo emman. Ikar ba lak er kon men momman ko rekar walok, ikar jab maron loe naan ko nan kwalok mool. Rellukun kar iruj im monono kon na, akko ilo mool illukun mej itulowa. Elon raan in an leo kar baj kajeon tobar e io lak im i block e. Ikar jab jela ta ko jet imaron kar komman i. Ikar mijak e im ikar jab bar konan loe mejen, ikar konan meloklok kon ta eo ekar walok nan na.

Elikin wiik in ao baj bed kon enjake ko im ijjab melele kaki im jab jela ibed ia ikar kalet in ital im therapy jiban io kon ta eo ekar walok nan na. Elap an kar jiban io ilo ao melele ke IKAR JAB LELAK MELIM NAN MOMAAN IN BWE EN MARON JIBWE NA! IJJAB AIKUJ IN JOOK. EKAR BOK MARON EO JEN NA! EJELOK EN EWOR AER MARON IN JIBWE ENBWINU NE EJELOK AER MELIM JEN NA.

Ikar jab muri ippen bwe en kain eo nan enbwinu. Ijjab kar aikuj in bed ilo juon jikin eo e marok. Ikar kalet in tomak e. Naij kakememej io aolep raan bwe ejelok men en imaron kar komman e bwe enjab kar maron kakkure ki io bonnin eo. Ikonan kalet kajoor. Ijjab konan bwe lemnak kein ren bar kamijak io.

Ne emoj am tobar tok ijin, komol jen am maron ronjake mool eo ao. Ne kwe tobar tok ijin im jabdewot part ilo bwebwenato in ej einwot ta ko ekar walok ilo mour eo am, naij bed ijin nan ao ba nan eok im na make, Ejjab am bwod eo. Jekar jab kajjitok bwe en kar walok endrein nan koj. Im ekar jab aikuj in bwe bojrak ko ad, jaab ko, im ad jab e keroro ren jab ronjaki. Enbwinid ej enbwinid im ej ad, Ejjab Aer! Ejelok en rej kar aikuj jibwe enbwinid ne ejelok melim jen koj!